in

الكفتاجي ،المروب و غيرها أشهر 10 أكلات في شوارع تونس .. شاهد الصور


لا يُعرف عن التونسيين أنهم شعب يراعي كثيرًا الجانب الصحي قبل الأكل. حيث يقبل التونسيون، خاصة الشباب، على تناول إحدى وجبات اليوم، أو أكثر من وجبة، خارج البيت، في طريق العودة من العمل أو بعد حصص الدرس بين الأصدقاء والزملاء.

الكفتاجي، الفريكاسي، اللبلابي، الصحن التونسي المروب  وغيرها هي من الوجبات التي يقبل عليها التونسي خارج البيت رغم توفر إمكانيات إعدادها داخله، وقد صارت جزءًا من التقاليد التونسية المتجذرة شعبيًا.

هنا نستعرض أبرزها، ما يميزها ويزيد الإقبال عليها.

الفريكاسي




اللمجة و الاكلة التونسية بامتياز، بالبطاطا، التن و عظم و زيدهم المكونات الاساسية الهريسة و زيت زيتونة تنجم تاكل احسن لمجة و كان حبيت ترجعها فطور اشري برشا و صحة و بالشفاء

الكفتاجي

و شكون مايحبش الكسكروت هذا؟ صباح بكري، ليل، قايلة، و انت جيعان، بعد الفطور حتى حد مايبخل على كسكروت كفتاجي والا يقولك صحة ماعينيش … الطماطم، الفلفل و البطاطا خاصة كي يبدا يوزوز والا محرحر تنجم تبكي من البنة

كسكروت تونسي

والا كسكروت تن، سلاطة تونسية مع التن و الهريسة و يا عيني على البنة و كيما نقولوا يتاكل على الشبع

الشباتي

و اللي واخذ اسمه من خبز هندي، الشباتي ما يحلى كان بالاوملات و الهريسة و الجبن و بعد انتي و شهوتك شنوا تحب تزيد، شنوا لا

الملاوي

عجينة مدورة و جويدة، تحط فيها اللي تحب كيف التن، العظم، تنجم تحط فيها حتى الطاجين (في الماكلة مايصعبشي على التونسي و ماتستغربشي)، و كيما اي عادة تونسية محترمة ماننسوش الهريسة اللي هي الاساس، تنجم تاخذ حتى ملاوي بالهريسة اكهو

ربع دجاج

ربع دجاجة، فريت و تسطيرة …هذا ينجم يكون فطور ملكي و متوفر في 90 بمائة من المطاعم التونسية

اللبلابي

ملك ما بعد السهرات و الليالي الباردة، الاساس متعه الحمص، الهريسة و العظمة اللي موش طايبة… هو المقاوم الاساسي للبرد خاصة كي تزيده سوس الهرقمة، اما في الشتاء كيما في الصيف بنته ماتتبدلش

صحفة ثوم

كيما اسمه يقول الاساس متعه هو الثوم و بالطبيعة نزيدوه الهريسة و زيت الزيتونة و كيف ما انت تحب و تشتهي زيد المكونات و كل ماتزيد المكونات تزيد البنة

المروب

عظمة مروبة مع رشة ملح و كمون، تاكلها من قشرتها من عند النصابة و صحة و بالشفاء

صحن تونسي

هو صحن مخلط، و البنة فيه مخلطة، من السلاطة المشوية للزيتون و من غيرماننسوا الطماطم و البطاطا، و الهريسة و هي فما ماكلة ننسوا فيها الهريسة؟ و بش تزيد تحلى البنة زيدها عظمة شطر طياب


اترك رد

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

بالفيديو : خبير التحكيم في قناة الكاس يفجر قنبلة تحكيمية حول مقابلة الدربي

مروان حمودية يحدد موعد الاعلان الرسمي ويحصرالاختيار بين هذين الاسمين لتدريب الإفريقي..

Back to Top
close

Hey there!

Forgot password?

Forgot your password?

Enter your account data and we will send you a link to reset your password.

Your password reset link appears to be invalid or expired.

Close
of

Processing files…

error: Content is protected !!
%d مدونون معجبون بهذه: