in

منال عبد القوي تعلق: أنا مسلمة وأرفض المساواة في الارث ولن أتزوج الا تونسيا مسلما


انتقدت الفنانة و الممثلة منال عبد القوي مضامين خطاب رئيس الدولة بمناسبة عيد المراة ، و قالتفي تدوينة على الفيسبوك ان تلك المقترحات حول المساواة في الارث و زواج التونسية من غير المسلم تهم المراة البرجوازية و لا تهم المراة الكادحة في الارياف و عموم التونسيات ، كما انتقدت اهماله للكثير من النساء و بعض الفنانات اللواتي بقين بلا سند و منهن من توفيت ، و اكدت انها مسلمة و ترفض المساواة قي الارث و لن تتزوج الا تونسيا مسلما

 
و هذا ما قالته :

 
“عفوا سيدي الرئيس عندي كليمتين بنقولهملك:
القرارات الي أعلنت عليها اليوم تخصّ المرأة البورجوازيّة الي مشكلتها الإرث هي وخوها ولا انها تاخذ راجل مش مسلم…. وينهم القرارات لصالح المرا الزوّالية لي تجني في الطماطم والفلفل والعنب ب 5 و 7 الاف في النهار؟؟؟ وتتقلب بيها الكميونة الخردة لي هازتها مالفجورات بش تروّح في المغارب؟؟؟
وينهم القرارات للمنظّفة والمعينة المنزلية لي ياكلولها عرقها وجهدها وعمرها ويعتديوا عليها جسديا وجنسيا؟؟؟

 

 

وينهم القرارات للمرا لي عندها ولاد معاقين ولا مرضى وماعندهاش كرني بش تعالجهم؟؟؟
وينهم القرارات للمرا لي تخلص عالحضيرة وبنت المعمل لي ظهرها يتقسم وعينيها تتنقب ويديها تحلّف بش تخلص 300 دينار؟؟؟
وينهم القرارات للمرا العزوزة لي تاخو في شهرية شيخوخة 100 دينار؟؟؟
وينهم القرارات للمرا لي ما عرّستش لين كبرت ولا عرست ولوحوها ولادها ولا ما عندهاش ولاد ومنجمتش تلتحق بمركز مسنّين؟؟؟
وينهم القرارات للمرا الي تتعرّض كل صباح بكري للبراكاجات والتشليط ؟؟
وينهم القرارات للفنانات لي مرضوا وما لقاوش بش يعالجوا كيف منية الورتاني وسعيدة سراي وغيرهم..
قراراتك ما فرّحتنيش ياسر سيدي الرئيس خاطر ما تعنينيش كانك عالإرث عمري انا وخواتي لا حكينا ولا خممّنا حتى بش نتقارقوا ونتقاسموا رزق بابا مشا هو خلّي يا طرف ارض وزيتون؟؟؟ يرّاااه وحتى كان جا هاك النهار عمرنا ما بش نختلفوا ولا نتعاركوا على وسخ دار الدنيا هكّة مبروك القوي وبوه علي القوي رباونا…
وكانك عالقاوري خوذو انت وخيّ انا مرا مسلمة وما ناخذ كان مسلم كيفي كيفو اك الي ينجّموا صحابي الحداثيين يسميوني من برّه من برّه حداثية ومن داخل خوانجية ميسالش هذي قناعاتي نحبوا مسلم ويا ريت تونسي ويا ريت جربي زادة باهيشي هكّة؟؟؟؟؟؟؟ نطّقتني سيدي الرئيس وانت تاخذ في قراراتك في برجك العاجي اهبط للارياف وين الثلج يغطّي الاكواخ في الشتا والشمس تقتل الكبار في الصيف ، وين الراجل يبدا قاعد يلعب في الكارطة في القهوة ومرتو تخدم وكي يجي كميون الغاز يبعث ولدو يقوللو برا قول لامك تجي تهز دبوزة القاز…. برّا اعمل دورة في شوارع تونس في الليل تو تشوف قداش من مرا تاكل مالزبلة وراقدة على كردونة
زيد ثبّت تو تشوف قداش من بنيّة قاصر تخدم ولا تدور برضيع جاباتو بعد ما شدّها ولد حرام عدّاها عليها وهرب…
عفوا سيدي الرئيس البرجواز ي…….. زيد بربش في مشاكل المرا التونسية تو تلقا ما يندّب الوجه فبحيث يا ناري عتونس وبرّه.”


اترك رد

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

وشمٌ و’سراويل هابطة’ تظهر الملابس الداخلية في تونس

فيديو : علي معلول يوجه رسالة قوية للترجي الرياضي التونسي !