, ,

الدينار في مهب الرياح .. وتونس تغرق يوم بعد أخر


في موقع xe.com كل ساعة تمر نقوم بتفقد قيمة الدينار في السوق العالمية ، و كل ساعة تمر يزداد الفارق في القيمة بالنسبة إلى الدينار المسكين.

يا ناس عبرونا يا أخي وينو الرئيس ؟ وينو رئيس الحكومة ؟ يا خويا ميسالش ميدو وجوهكم في التلفزة و إكذبو علينا طمنونا كيما موالفين تعملو ! علاش السكوت الرهيب هذا؟ ماعادش عندكم متقولو؟ الكذب الكل وفا ؟

تعرف شماعناها اليورو يولي 3 دينارات نهار الجمعة الجاية ؟ معناها منا لشهر رمضان كل شي باش يغلا ، الكراهب ، قطع الغيار ، الحوايج ، اللوح ، الغاز ، اي منتوج جاي من الخارج او عندو اي علاقة بمنتوج اخر جاي من برة باش تشعل فيه النار ، هذا اللوجيك ، فمابالك السوق التونسي عاد، باش يزيدو في كل شي و كي تسأل علاش غلات الحاجة هذه باش يقولك اكاهو ماو الدينار طاح، يعني ولات عقلية راو الزيادة في تونس، و معندهاش baréme و عمرها متعاود ترخس ، يعني تزيد توا و احنا في ازمة متاع دينار و دوڤيز تبق غادي.

زيد الإحتجاجت المشروعة تقريبا في كل مكان ، الناس قريب تموت من الغمة و الهم و الإعلام مش هنا.

نحب نفهم وينهم المسؤولين في البلاد ؟ علاش تاخذو في شهاريكم كي ما نلقاوكمش وقت الشدة ؟ طمنوا المواطن ، راهو لعباد مش فاهمة الحكاية و مش عارفة الخطورة متاع إلي صاير.


اترك رد